Ուկրաինայում օդային տագնապ է հայտարարվել

Ուկրաինայի Կիրովոգրադի, Չերկասիի, Պոլտավայի, Սումիի և Խարկովի շրջաններում  կրկին հայտարարվել է օդային տագնապ: Այս մասին հայտնում են երկրի թվային փոխակերպման նախարարության առցանց քարտեզի տվյալները, գրում է «Ռիա Նովոստի»-ն:

ՌԴ նախագահի մամուլի քարտուղար Դմիտրի Պեսկովը հայտարարել է, որ ռուսական զորքերը Ուկրաինայի զինված ուժերի հետ մարտերում հարվածներ չեն հասցնում բնակելի տներին և սոցիալական ենթակառուցվածքներին:

«Հարվածները հասցվում են այդ թվում երկրի պաշտպանական արդյունաբերության, ռազմական կառավարման և կապի օբյեկտների ուղղությամբ»,- ասվում է հաղորդագրության մեջ։