Իրանն առաջարկել է Իրան-Ադրբեջան-Վրաստան տարանցիկ միջանցք ստեղծել
Իրանն առաջարկել է ՏՐԱՍԵԿԱ ծրագրի շրջանակում ստեղծել Իրան-Ադրբեջան-Վրաստան տարանցիկ միջանցք: Այս մասին հայտնել է Իրանի ճանապարհների և քաղաքաշինության նախարարի խորհրդական Ամին Տարաֆոն։
Նա մանրամասնել է, որ նախաձեռնությունը հայտարարվել է վերջերս Իրանի ճանապարհների և քաղաքաշինության նախարար Ֆարզանա Սադըքի Ադրբեջան կատարած այցի ժամանակ և արժանացել է պաշտոնյաների հավանությանը:
ՏՐԱՍԵԿԱ-ն ԵՄ-ի առաջարկած բազմակողմ համագործակցության ծրագիր է՝ Եվրոպա-Կովկաս-Ասիա միջազգային տրանսպորտային միջանցքի երկրների միջև տնտեսական հարաբերությունների, առևտրի և տրանսպորտային կապի զարգացման նպատակով:
