Չպետք է տրվեի սադրանքին. Տիգրան Տեր-Մարգարյանը ներողություն է խնդրել

Չպետք է տրվեի սադրանքին, պետք է առավելագույնս պահպանեի զսպվածություն: Այս մասին այսօր Երևանի քաղաքապետարանի գործակարգավարական նիստում հայտարարել է Նոր Նորք վարչական շրջանի ղեկավար Տիգրան Տեր-Մարգարյանը՝ անդրադառնալով թաղապետարանում տեղի ունեցած միջադեպին։

«Այո, տեսարանը ոչ հաճելիներից էր, կարծում եմ, որպես վարչական շրջանի ղեկավար, չպետք է տրվեի սադրանքին, պետք է առավելագույնս պահպանեի զսպվածություն։ Ցավում եմ տեղի ունեցածի համար և Ձեզանից, պարոն քաղաքապետ, և մեր հանրությունից ևս մեկ անգամ հայցում եմ ներողություն և հավատացնում եմ, որ դրանից հետո ես ինքս եկել եմ բազմաթիվ եզրահանգումների», - ասել է նա։

Նշենք՝ օրեր առաջ Երևանի Նոր Նորք վարչական շրջանի թաղապետարանում միջադեպ էր տեղի ունեցել, ինչից հետո երկու քրեական վարույթ է հարուցվել, 6 անձի մեղադրանք է առաջադրվել։