Չեմ պատրաստվում դատավորի դեր ստանձնել. Ավինյան
Բռնության որևէ ձև՝ լինի դա ֆիզիկական, լինի խոսքով, վիրավորանքով, սադրանքով, անընդունելի է: Այս մասին հայտարարել է Երևանի քաղաքապետ Տիգրան Ավինյանը:
Նա անդրադարձել է օրեր առաջ Նոր Նորքի թաղապետարանում տեղի ունեցած միջադեպին։
«Երևանի քաղաքապետարանի յուրաքանչյուր աշխատակից, մասնավորապես՝ վարչական շրջանի ղեկավարները, որոնք Երևանի քաղաքապետի ներկայացուցիչներն են տվյալ վարչական շրջանում, պարտավոր են ցուցաբերել զսպվածություն կյանքի բոլոր պարագաներում։ Սադրանքները միշտ կան, ամենուր են և միշտ կլինեն։ Անընդհատ որևէ մեկը որևէ մի թեմայով մի սուտ կասի, և այդ սուտը վստահաբար մենք կարող ենք որպես սադրանք ընդունել»,- ասել է Ավինյանը:
Քաղաքապետի խոսքով՝ նա չի պատրաստվում դատավորի դեր ստանձնել.
«Կա քրեական գործ, և դրա էությունը ցույց է տալիս, որ կա նաև երկրորդ կողմ այնուամենայնիվ։ Խուլիգանության հոդվածով անձինք, որոնք ներգրավված են, և վարույթ է իրականացվում»։
