Ադրբեջանցի պատգամավորին թույլ չեն տվել մտնել Ռուսաստան

Ադրբեջանի խորհրդարանի պատգամավոր Ազեր Բադամովին թույլ չեն տվել մուտք գործել Ռուսաստանի տարածք: Այս մասին հայտնում է «Ռիա Նովոստի»-ն:

«Հիմք են հանդիսացել Միլի մեջլիսի պատգամավորի կողմից բազմիցս թույլ տրված հակառուսական և ռուսատյաց ուղղվածության արտահայտությունները», - հստակեցրել է աղբյուրը:

Պարբերականի տվյալներով՝ Ադրբեջան մուտքի արգելքը նախկինում մտցվել էր մի շարք ռուս օրենսդիրների նկատմամբ։ 

Ընդգծվում է, որ Բադամովի նկատմամբ միջոցառումները կրում են անձնական բնույթ և չեն ազդում ռազմավարական գործընկերության և դաշնակցային ոգով Մոսկվայի և Բաքվի հարաբերությունները զարգացնելու ռուսական կողմի անփոփոխ տրամադրվածության վրա: