Լավրովը Հնդկաստանի ԱԳ նախարարի հետ քննարկել է լարված իրավիճակը
Ռուսաստանի և Հնդկաստանի ԱԳ նախարարներ Սերգեյ Լավրովը և Սուբրամանյամ Ջայշանկարը հեռախոսազրույցի ժամանակ քննարկել են Հնդկաստանի և Պակիստանի միջև վատթարացող հարաբերությունները: Այս մասին հայտնել է Ռուսաստանի արտաքին գործերի նախարարությունը։
«Արտաքին քաղաքականության գերատեսչությունների ղեկավարները քննարկել են ռուս-հնդկական համագործակցության արդիական հարցերը, ինչպես նաև հնդկա-պակիստանյան հարաբերությունների սրումը Փահալգամ քաղաքի մոտ տեղի ունեցած ահաբեկչական հարձակումից հետո»,- նշված է նախարարության կայքում:
Լավրովը կոչ է արել Նյու Դելիի և Իսլամաբադի իշխանությունների միջև տարաձայնությունները կարգավորել քաղաքական և դիվանագիտական միջոցներով՝ երկկողմանի հիմքերով՝ համաձայն 1972 թվականի Սիմլայի համաձայնագրի և 1999 թվականի Լահորի հռչակագրի դրույթների։
