Թուրքիան կդառնա համաշխարհային խաղացող․ Էրդողան
Թուրքիայի նախագահ Ռեջեփ Թայիփ Էրդողանը ելույթ է ունեցել Ստամբուլի բնական ռեսուրսների գագաթնաժողովում: Նախագահը հիշեցրել է, որ Թուրքիան կարևոր տեղ է զբաղեցնում համաշխարհային էներգահամակարգում, գրում է «ՏԱՍՍ»-ը։
«Մեր բնական պաշարների, աշխարհագրության և ածխաջրածնային խոշոր պաշարների հետ մերձեցման շնորհիվ մենք առանցքային դեր ենք խաղում մատակարարման ապահովման գործում։ Թուրքիայի էներգետիկ անվտանգությունը հարց է, որը շոշափում է ամբողջ աշխարհը»,- հայտարարել է նա։
Խոսելով արդյունահանման զարգացման մասին՝ Էրդողանը հայտնել է, որ երկիրը գերազանցել է նավթի օրական արդյունահանման ռեկորդը։
«Թուրքիան կդառնա բնական գազի և նավթի հանքավայրերի հետախուզման համաշխարհային խաղացող», - հայտարարել Է Թուրքիայի նախագահը:
Վերջում Ռեջեփ Թայիփ Էրդողանն ընդգծել է «Այն, որ Թուրքիան հուսալի հանգրվան է դարձել Եվրոպայում էներգետիկ ճգնաժամերի ֆոնին, պատահականություն չէ»:
