Թրամփը ռազմական շքերթ կանցկացնի իր ծննդյան առթիվ
ԱՄՆ իշխանությունները պատրաստվում են ռազմական շքերթ անցկացնել՝ նվիրված նախագահ Դոնալդ Թրամփի ծննդյան օրվան:
Շքերթին նախատեսվում է ներգրավել ավելի քան 6.600 զինվորական, առնվազն 150 միավոր ռազմական տեխնիկա, 50 ուղղաթիռ և 7 նվագախումբ: Նախաձեռնությունը կարժենա տասնյակ միլիոնավոր դոլարներ, որոնք կտրամադրվեն պետական բյուջեից:
Թեև նախաձեռնության նպատակն է հանդիսավոր կերպով նշել նախագահի տարեդարձը, որոշ շրջաններում այն արդեն բողոքի ալիք է բարձրացրել՝ հաշվի առնելով ծախսերի ծավալը:
