Ստորագրվել է ԱՄՆ-Ուկրաինա համաձայնագիր
Ուկրաինայի նախագահի գրասենյակի խորհրդական Միխայիլ Պոդոլյակը հայտարարել է, որ համաձայնագիրը չի պարունակում պարտավորություններ ԱՄՆ-ի կողմից նախկինում տրամադրված ռազմական օգնության փոխհատուցման վերաբերյալ: Նա ընդգծել է, որ համաձայնագրով ամրագրվում է Ուկրաինայի եվրոպական ինտեգրումը, իսկ նավթը, գազը, լիթիումը և այլ օգտակար հանածոնոր մնում են Ուկրաինայի սեփականությունը:
Պոդոլյակը հավելել է՝ բոլոր ներդրումային եկամուտները կվերաներդրվեն Ուկրաինայում առնվազն մինչև 2034 թվականը: Նա նաև նշել է, որ համաձայնագրի արդյունքում ԱՄՆ-ը դարձել է Ուկրաինայի համատեղ ներդրող, ինչը, ըստ նրա, ցույց է տալիս Ուկրաինայի կարողությունը՝ բանակցել համաշխարհային գերտերությունների հետ հավասար պայմաններով: «Մոսկվան պարտվեց. Պուտինի փորձը՝ առաջարկել ԱՄՆ-ին բաժին ունենալ օկուպացված Դոնբասի հանքային հարստություններից, ձախողվեց»,- ընդգծել է Պոդոլյակը:
Այս համաձայնագիրը կարևոր քայլ է Ուկրաինայի համար՝ ամրապնդելու իր պաշտպանական կարողությունները և տնտեսական անկախությունը՝ առանց պարտքային պարտավորությունների:
