Մարդիկ էդքանը չգիտեն, մտածում են՝ էլի իրար մեջ ծածկադմփոց են արել․ Փաշինյան
Մ3 միջպետական ճանապարհի՝ Սպիտակ - Վանաձորի 11,8 կմ հատվածը հիմնանորոգվել է: Ծրագրի իրականացման նպատակով Կառավարությունը հատկացրել է 3 մլրդ 86 մլն դրամ։ Այդ մասին Ֆեյսբուքի իր էջում գրել է ՀՀ վարչապետ Նիկոլ Փաշինյանը և կից տեսանյութ հրապարակել:
«Մարդը տեսնում է, որ հարթության հետ կապված խնդիր կա ու մտածում է՝ ըհը, ստեղ մի բան էն չի: Ասում ա՝ բա կառավարությունը սա չի տեսնո՞ւմ: Ընկերությունը թող լավ սարքի, իր վարկանիշային պրոբլեմն ա: Մարդկանց պետք է ասել, որ փող է պահվել դրա համար, ոչ թե աչք ենք փակել: Մարդիկ էդքանը չգիտեն, մտածում են՝ էլի իրար մեջ ծածկադմփոց են արել: Եկեք իրազեկենք մարդկանց, որ այս-այս ճանապարհներն ընդունված չեն»,- նշել է վարչապետը։
Նրա խոսքով՝ ճանապարհը այնքան էլ հարթ չէ և դրա համար շինարարից փող է պահվել:
ՏԿԵ նախարար Դավիթ Խուդաթյանն էլ տեղեկացրեց, որ այս պահին Հայաստանում 26 չընդունված ճանապարհ կա, որի համար վճարումները կեսից ավելի պակաս են կատարվել: Եթե միայն խնդիրը վերին շերտին է վերաբերում, շինարարին պարտադրում են շտկել թերությունները:
