ՀՀ-ն Բրյուսելում դեսպանատան շենք է գնել. Փաշինյանը զարմացել է

  Ապրիլի 30-ի նիստում Փաշինյանը ընդգծեց՝ ՀՀ-ում օտարերկրյա դեսպանատների թիվն աճում է, և որ դա կարևոր է Հայաստանի միջազգային տեսանելիությունը մեծացնելու առումով:

  Արարատ Միրզոյանը իր հերթին տեղեկացրեց, որ Բելգիայում դեսպանատան համար շենք է գնվել, որտեղ վերանորոգման աշխատանքներ պետք է արվեն: Այս լուրը զարմացրեց Փաշինյանին: ԱԳ նախարարը հիշեցրեց, որ դա արվել է կառավարության որոշմամբ: Փաշինյանն էլ արձագանքեց. «Բայց ես չգիտեի, որ արդեն արվել է: Եթե կառավարությունում զեկուցվել է, ուրեմն ես չեմ եղել այդ նիստին, թե չէ կհիշեի»:

  Նիստում նաև խոսվեց նոր նախագծի մասին, ըստ որի Օմանում ՀՀ դեսպանության բացելու համար ՀՀ բյուջեից ավելի քան 345 700 ԱՄՆ դոլարին համարժեք 133 848 500 դրամ կհատկացվի: Նախագիծը ընդունվեց կառավարության նիստում: