Կլիմայի փոփոխության հետ կապված` աշխարհում հարյուր միլիոնավոր մարդիկ են հիվանդացել
Այս տարի EBioMedicine ամսագրում հրապարակված ուսումնասիրությունը ցույց է տվել, որ գլոբալ տաքացումը հեշտացրել է բակտերիաների և այլ մանրէների ներթափանցումը սննդամթերքի մեջ:
Ինչպես նշվում է, կլիմայի փոփոխության այս քիչ քննարկվող սպառնալիքն ամեն տարի հարյուր միլիոնավոր մարդկանց հիվանդագին, իսկ երբեմն էլ կյանքի համար վտանգավոր դասեր է տալիս։
Ջերմաստիճանի յուրաքանչյուր 1,8°C բարձրացման դեպքում 5%-ով մեծանում է ոչ տիֆային սալմոնելայով և կամպիլոբակտերիաներով վարակվելու վտանգը, որոնք մարդկանց մոտ հիվանդություններ են հարուցում և հաճախ սննդային թունավորումներ առաջացնում։
Climate Change ամսագրում հրապարակված ակնարկային հոդվածում նշվում է, որ ջերմաստիճանի բարձրացումը և տեղումների բնույթի փոփոխությունը հանգեցնում են սննդային ծագման ախտածին միկրոօրգանիզմների տարածմանը, ներառյալ ամենատարածվածների՝ սալմոնելայի, աղիքային ցուպիկի և նեղ աղիքի կամպիլոբակտերի։
«Ջերմաստիճանի բարձրացումը նպաստում է այնպիսի մանրէների աճին, ինչպիսիք են լիստերիան, կամպիլոբակտերը և սալմոնելան, շուտ փչացող սննդամթերքներում, ինչպիսիք են միսը, կաթնամթերքը և ծովամթերքը», - ասել է ուսումնասիրության համահեղինակը:
