Լավրովը կոշտ է արտահայտվել Զելենսկու մասին
ՌԴ ԱԳ նախարար Սերգեյ Լավրովը CBS-ի լրագրող Մարգարեթ Բրենանին տված հարցազրույցում հայտարարել է, որ Ռուսաստանը մտադիր չէ հրապարակել Ուկրաինայի հակամարտության կարգավորման շուրջ ԱՄՆ-ի հետ բանակցությունների ընթացքը մինչեւ դրանց պաշտոնական ավարտը:
«Մենք իսկապես շատ քաղաքավարի մարդիկ ենք։ Ի տարբերություն որոշների, մենք երբեք հրապարակավ չենք քննարկում այն, ինչի մասին է խոսքը բանակցություններում, հակառակ դեպքում բանակցությունները լուրջ չեն լինի», - ասել Է դիվանագետը։
Նախարարն առաջարկել է հարցը քննարկել Վլադիմիր Զելենսկու հետ, քանի որ, ըստ նրա, ընդհակառակը, նա պատրաստակամորեն շփվում է ցանկացածի հետ լրատվամիջոցների միջոցով, նույնիսկ ԱՄՆ նախագահ Դոնալդ Թրամփի հետ:
Ուրբաթ օրը Լավրովը հեռուստաալիքի հետ զրույցում հայտարարել է, որ Սպիտակ տան ղեկավարը, հավանաբար, միակ համաշխարհային առաջնորդն է, ով ընդունում է ուկրաինական ճգնաժամի իրական պատճառները: Նրա խոսքով՝ Թրամփն արդարացիորեն հավատում է այդ հարցի շուրջ համաձայնության գալու մոտիկությանը, սակայն կան որոշ մանրամասներ, որոնք լրամշակման կարիք ունեն:
