ԱՄՆ-ում ինքնաթիռ է ընկել, կան զոհեր

ԱՄՆ Իլինոյս նահանգում միաշարժիչ ինքնաթիռի կործանման հետևանքով չորս մարդ Է զոհվել, հայտնում է Associated Press գործակալությունը՝ հղում անելով իրավապահներին:

«Շաբաթ օրը միաշարժիչ ինքնաթիռն ընկել է Իլինոյսի կենտրոնական հատվածում, ինքնաթիռում գտնվող բոլոր չորս մարդիկ զոհվել են», - ասված է գործակալության հաղորդագրության մեջ։

ԱՄՆ-ի Տրանսպորտի անվտանգության ազգային խորհրդի (NTSB) նախնական տվյալներով՝ վթարի հետևանքով ինքնաթիռը դիպել է էլեկտրահաղորդման գծերին: