Ռուսաստանը ԱՄՆ-ի համար «խրոնիկ սպառնալիք» է. ՆԱՏՕ–ի գեներալ

ՆԱՏՕ-ի զինված ուժերի գլխավոր հրամանատար գեներալ Քրիստոֆեր Կավոլին հայտարարել է, որ Ռուսաստանը «խրոնիկ սպառնալիք է ԱՄՆ-ի համար»: Այս մասին հաղորդում է РИА Новости-ն:

«Ռուսաստանը ներկայացնում է խրոնիկ սպառնալիք ԱՄՆ-ի համար», — ասել է գլխավոր հրամանատարը ԱՄՆ Սենատի համապատասխան կոմիտեի նիստի ժամանակ:

Գեներալը հավելել է, որ Ուկրաինայում հակամարտությունը շարունակվում է Ռուսաստանի կողմից աշխարհաքաղաքական առավելություն ստանալու նպատակով:

Նա նաև նշել է, որ Ռուսաստանը արագացնում է իր զինված ուժերի թվաքանակի աճը և փոխարինում է մարտական տեխնիկան ու զինամթերքը՝ ավելի արագ, քան կանխատեսել էին վերլուծաբանները:

Ավելին, Կավոլին պատմել է, որ ՆԱՏՕ-ի դաշնակիցները պատրաստվում են Ուկրաինային տալ լրացուցիչ բազմաֆունկցիոնալ F-16 ինքնաթիռներ: