Միգրանտների երեխաների դպրոց ընդունվելու թեստավորման նոր կարգ՝ ՌԴ-ում
ՌԴ-ում դպրոց ընդունվելու համար միգրանտների երեխաները պետք է ճիշտ պատասխանեն ռուսաց լեզվի թեստի 90%–ին: Այս մասին հայտնել է Պետդումայի նախագահ Վյաչեսլավ Վոլոդինին։
Նշվում է, որ օրենքն ուժի մեջ է մտել ապրիլի 1-ին։
ՌԴ կրթության և գիտության վերահսկողության դաշնային ծառայությունն առաջարկել է անցողիկ շեմ սահմանել ճիշտ պատասխանների 30%–ը, բայց այդ առաջարկը չի ընդունվել։
«Այն վերամշակվել է։ Այսօրվա որոշումը ենթադրում է, որ դպրոց ընդունվելու համար պետք է ճիշտ պատասխանել թեստի 90%–ին»,- նշել է նա:
Նա նշել է, որ ռուսաց լեզվի թեստավորման նյութերը (ներառյալ բանավոր մասը) մշակվել են ուսուցման յուրաքանչյուր փուլի համար:
«Առաջին դասարան ընդունվելու համար անհրաժեշտ է ճիշտ պատասխանել 10 առաջադրանքներից 9-ին, 2-5–րդ դասարանների համար` 20 առաջադրանքներից 18–ին, 6-9–րդ դասարանների համար` 22 առաջադրանքներից 20–ին, 10-11-րդ դասարանների համար` 24 առաջադրանքներից 22–ին»,- հավելել է Վոլոդինը:
Պետդումայի նախագահի խոսքով՝ ՌԴ կրթության և գիտության վերահսկողության դաշնային ծառայության կարծիքով` սա թույլ կտա գնահատել ռուսերենի իմացության մակարդակը և դպրոցական ծրագիրը հաջողությամբ յուրացնելու և ադապտացվելու հնարավորություն կընձեռի երեխաներին։
