Բողոքի ակցիա ՔԿ-ի դիմաց և երթ դեպի ՆԳՆ. պահանջն է պատժել ոստիկաններին
Մի խումբ քաղաքացիներ ակցիա են անցկացրել Երևանում ՝ պահանջելով պատժել ոստիկաններին, ինչպես իրենք են պնդում, 28-ամյա արցախցի Տիգրան Ուլուբաբյանին ծեծելու համար:
Ավելի վաղ Ուլուբաբյանի փաստաբան Ռոման Երիցյանը հայտարարել էր իրավապահների ճնշումների և փաստաբանի դեմ հետագա քրեական հետապնդման նպատակով ցուցմունք ստանալու փորձերի մասին:
Նրանք այսօր երթ անցկացրեցին քննչական կոմիտեի շենքից դեպի ՆԳՆ շենք: Նրանք վանկարկում էին «արդարություն», «իրավախախտ ոստիկան» և այլ կարգախոսներ։ Նրանց է մոտեցել ՆԳՆ մամուլի խոսնակ Նարեկ Սարգսյանը, որը նշել է.
«Ո’չ, ՆԳՆ-ում ձեր դեմ արշավ չկա»:
Նշենք, որ ՔԿ-ում նախորդ շաբաթ քրեական գործ է հարուցվել Ուլուբաբյանին ենթադրյալ ծեծի ենթարկելու վերաբերյալ հաղորդումների հիման վրա, նշանակվել է նաև ծառայողական քննություն: Ոստիկանները, որոնք ենթադրաբար ծեծել են Ուլուբաբյանին, աշխատանքից չեն ազատվել, ինչն էլ առաջացրել է տուժող կողմի դժգոհությունը:
Հիշեցնենք, որ մարտի 19–ին քաղաքացիները բողոքի ակցիա անցկացին ՔԿ–ի դիմաց` պահանջելով օրենքի ամբողջ խստությամբ պատասխանատվության ենթարկել Վանաձորի ոստիկանական բաժնում 28-ամյա Տիգրան Ուլուբաբյանին խոշտանգած ոստիկաններին:
Հավելենք, որ Վանաձորի ոստիկանությունում Տիգրան Ուլուբաբյանին բռնnւթյան ենթարկելու հաղորդման հիման վրա քրեական վարույթ է նախաձեռնվել Քրեական օրենսգրքի 450-րդ հոդվածի 2-րդ մասի 7-րդ կետի հատկանիշներով (մի խումբ անձանց կողմից կատարված խոշտանգում)։
