Դա ահազանգ է ողջ Եվրոպայի համար․ Պետերի Օրպոն
Ֆինլանդիան պատրաստվում է դուրս գալ Օտտավայի կոնվենցիայից և վերադարձնել հակահետևակային ականները: Այս մասին հայտարարել է Ֆինլանդիայի վարչապետ Պետերի Օրպոն, գրում է «ՏԱՍՍ»-ը։
«Մեր երկիրը սկսում է նախապատրաստվել Օտտավայի կոնվենցիայից դուրս գալուն, որն արգելում է հակահետևակային ականների օգտագործումը: Պատճառը Ռուսաստանի կողմից աճող սպառնալիքն է։ Ռուսաստանն իրեն ավելի ագրեսիվ է պահում։ Մենք պետք է պատրաստ լինենք պաշտպանվելու հնարավոր միջոցներով»,- ասել է Օրպոն։
Ֆինլանդիայի վարչապետը կարևորել է, որ Օտտավայի կոնվենցիան արգելում է հակահետևակային ականների օգտագործումը, արտադրությունն ու կուտակումը, ինչպես նաև պահանջում է դրանց ոչնչացումը:
«Եթե նույնիսկ չեզոք, խաղաղասեր Ֆինլանդիան ականապատ դաշտեր է բացում, դա ահազանգ է ողջ Եվրոպայի համար։ Ռուսաստանի և Բելառուսի հետ սահմանակից ՆԱՏՕ-ի երկրների համար ռազմական սպառնալիքն աճել է։ Հաշվի առնելով այս իրավիճակը՝ անհրաժեշտ է դիտարկել բոլոր միջոցները, որոնք կարող են ուժեղացնել զսպման և պաշտպանության մեր ներուժը»,- նշել է Ֆինլանդիայի վարչապետը։
