ՑԱԽԱԼ-ը նոր հարվածներ է հասցրել «Հեզբոլլահ»-ի դեմ
Իսրայելի զինվորականները նոր հարվածներ են հասցրել Լիբանանում շիայական «Հեզբոլլահ» խմբավորման թիրախներին։ Այս մասին հայտնում է բանակի մամուլի ծառայությունը։
«Ներկայումս Իսրայելի պաշտպանության բանակը հարվածներ է հասցնում «Հեզբոլլահի» ահաբեկիչների թիրախներին Լիբանանում, մանրամասները կհաղորդվեն»,- ասվում է հաղորդագրության մեջ:
Օրվա սկզբից սա Լիբանանի տարածքում հարվածների երկրորդ շարքն է։ Առաջին ալիքի ընթացքում, ըստ բանակի մամուլի ծառայության հաղորդագրության, հարձակման են ենթարկվել տասնյակ թիրախներ՝ Հեզբոլլահի հրթիռային կայանները և կազմակերպության զինված կազմավորումների գործողությունները հանրապետության հարավում համակարգող շտաբը։
Ըստ իսրայելական կողմի՝ հարվածներն իրականացվում են ի պատասխան լիբանանյան կողմից հրետակոծությունների։ Առավոտյան բանակը հայտնել է, որ հայտնաբերել է մի քանի արկ, որոնք արձակվել են Իսրայելի սահմանամերձ Մետուլա քաղաքի ուղղությամբ, որոնցից երեքը հաջողվել է որսալ։ Սա առաջին դեպքն է, երբ Իսրայելի հյուսիսը հրթիռակոծվում է 2024 թվականի նոյեմբերից, երբ լիբանանա-իսրայելական սահմանին հրադադարի համաձայնություն ձեռք բերվեց։
