Իրանի համար հետևանքները սարսափելի են լինելու. Թրամփ

Հութիների կողմից իրականացված հարյուրավոր հարձակումները սկիզբ են առնում և ստեղծվում են Իրանի կողմից, այս մասին սոցցանցի իր էջում գրել է ԱՄՆ նախագահ Դոնալդ Թրամփը։

«Թող ոչ ոք չսխալվի։ Հութիների կողմից ցանկացած հետագա հարձակում կամ պատասխան գործողություն կընդունվի մեծ ուժով, և երաշխիք չկա, որ այդ ուժը այդքանով կանգ կառնի»,- գրել է նա:

ԱՄՆ նախագահի խոսքով՝ Իրանը ներկայացվում է որպես ավազակ ահաբեկիչների «անմեղ զոհ», որի նկատմամբ կորցրել է վերահսկողությունը։

«Ամեն քայլ թելադրում են, զենք տալիս, փող ու բարձր տեխնոլոգիական զինտեխնիկա ու նույնիսկ, այսպես ասած, «հետախուզություն» են մատակարարում։ Այսուհետ հութիների կողմից արձակված յուրաքանչյուր կրակոց կդիտարկվի որպես Իրանի ղեկավարության կողմից և Իրանի զենքից արձակված։ Իրանն է կրելու պատասխանատվությունն ու հետևանքները, որոնք սարսափելի են լինելու»,- գրել է Թրամփը։