Իրանը դիմել է այն երկրներին, որոնք ազդեցություն ունեն Սիրիայում
Իրանը համապատասխան կարգով դիմել է այն երկրներին, որոնք ազդեցություն ունեն Սիրիայում տեղի ունեցող իրադարձությունների վրա՝ հայտնելով իր մտահոգությունը։ Այս մասին հայտարարել է ԱԳՆ պաշտոնական ներկայացուցիչ Իսմայիլ Բաղային:
Վերջինս չի նշել թե կոնկրետ, որ երկներին են դիմել:
Դիվանագետի խոսքով` Թեհրանը չափազանց մտահոգված ալավիների, քրիստոնյաների և այլ կրոնական փոքրամասնությունների դեմ բռնությունների և իրավիճակի ապակայունացման մասին հաղորդագրություններից։
«Մենք կտրականապես դատապարտում ենք նման գործողությունները։ Ցանկացած սպանություն կամ գործողություն քաղաքացիական բնակչության դեմ դատապարտելի են և արդարացում չունի»,- ասել է նա։
Նա հավելել է, որ իրավիճակից օգտվում են այն երկրները, որոնք բարին չեն կամենում Սիրիայի ժողովրդին և ողջ տարածաշրջանին։
