Բակո Սահակյանը կեղծ դատական նիստում ցուցմունք է տվել
Արցախի նախկին նախագահ Բակո Սահակյանը ցուցմունք է տվել Բաքվի զինվորական դատարանում Արցախի ղեկավարների և այլ պաշտոնյաների՝ ընդհանուր 15 անձի նկատմամբ հարուցված շինծու գործերով դատական նիստում։
Ադրբեջանական լրատվամիջոցները հայտնում են՝ նա, իբր, նշել է, որ «Ղարաբաղում սպառազինվելու առաջին կոչերը հնչել են անմիջապես հանրահավաքների ժամանակ, իսկ զենքը մատակարարվել է Հայաստանից»:
Ինչպես նշում են կայքերը՝ նա, իբր ասել է․ «Զենքի մի մասը տեղակայվել է խորհրդային զորամասերում։ Բացի այդ, Հայաստանից զենք է մատակարարվել։ Սրանք էին սպառազինության հիմնական ուղղությունները»։
Հիշեցնենք, որ Բաքվում շինծու դատավարությունից տվյալները հրապարակում են բացառապես ադրբեջանական լրատվամիջոցները: Հայկական կողմը հնարավորություն չունի ստուգելու այդ ինֆորմացիայի հավաստիությունը:
