Որոշ հատվածներում ջերմաստիճանը կհասնի +16-ի․ առաջիկա օրերի եղանակը
Հայաստանի Հանրապետության առանձին շրջաններում այսօր երեկոյան, մարտտի 4–ի գիշերը և առավոտյան սպասվում է ձյուն: Մարտի 5-7-ին սպասվում է առանց տեղումների եղանակ։ Այս մասին հայտնում է Հիդրոօդերևութաբանության և մոնիտորինգի կենտրոնը։
Մարտի 3-ին, մարտի 4-ին և 6-7-ին սպասվում է քամու ուժգնացում` 15-18մ/վ արագությամբ, լեռնային շրջաններում՝ բուք, ցածր հորիզոնական տեսանելիություն։
Օդի ջերմաստիճանը մարտի 3-7-ին և՛ գիշերը, և՛ ցերեկն աստիճանաբար կբարձրանա 11-13 աստիճանով։
Երևանում մարտի 3-ի գիշերը, 4-ի ցերեկը, 5-7-ին սպասվում է առանց տեղումների եղանակ։ Մարտի 3-ի երեկոյան, 4-ի գիշերը սպասվում է թույլ ձյուն։
Մայրաքաղաքում մարտի 3–ի ցերեկը կլինի 5-7 աստիճան տաքություն, իսկ երեկոյան ժամերին կգրանցվի +1....+3 աստիճան։
