Նման իրավիճակ կամ քննարկում չի եղել․ ՄԻՊ

Մամուլում տարածված տեղեկատվությունների մասին, շատ տարակուսած էի, որովհետև ընդհանրապես նման իրավիճակ  կամ քննարկում չի եղել Ազատության հրապարակում։ Այս մասին լրագրողների հետ ճեպազրույցում ասել է ՀՀ Մարդու իրավունքների պաշտպան Անահիտ Մանասյանը։

«Ես զարմացած եմ, թե ինչպես է հայտնվել այդ տեղեկատվությունն, որովհետև ի սկզբանե գաղափարը եղել է այն, որ պարզապես ինչպես ցանկացած հաստատություն գնալիս, աշխատակազմը հետաքրքրվում է, թե արդյոք այդ պահին հնարավոր է, օրինակ, զրուցել անձանց հետ: Մեզ տեղեկացրել է գործընկերը, որ այս պահին տիկին Թանդիլյանը քնած է, իսկ մյուս գործընկերը, որը որպես բժիշկ ներկայացավ, նշել է, որ բացի նրանից, որ քնած է, նաև թույլ է զգում իրեն հաղորդակցության համար»,- ասել է նա:

Մանասյանը վերջում հավելեց, որ նման տեղեկատվության շուրջ տեղի ունեցող խոսակցությունները փոխում են մարդասիրական միջոցառման էությունն։

«Այդ ամենը փոխում է մարդասիրական միջոցառման էությունն՝ դարձնելով այն ներքաղաքական, որի իմաստը դա չէ միանշանակ»: