Ճապոնիան հավանաբար հաջորդը կլինի․ Թրամփ

Ճապոնիան հավանաբար հաջորդն է։ Թրամփը մեղադրանքներով հարձակվել է ճապոնացիների վրա և քննադատել անվտանգության մասին համաձայնագիրը։ Սպիտակ տանը լրագրողների հետ զրույցում ասել է ԱՄՆ նախագահը։

«Մենք հետաքրքիր պայմանագիր ունենք Ճապոնիայի հետ, որ մենք պետք է պաշտպանենք նրանց, սակայն ոչ մի պարագայում նրանք չեն կարող մեզ պաշտպանել։ Ով է կնքում այդ գործարքները»,- վրդովվել Է նա։

Թրամփի խոսքով՝ Ճապոնիան աշխատել է դաշինքի ամրապնդման ուղղությամբ՝ ընդունելով անվտանգության մասին օրենսդրությունը, սակայն նա իր դժգոհություն է հայտնել դաշինքի միակողմանի բնույթի վերաբերյալ:

«Ճապոնիայի և ԱՄՆ-ի միջև անվտանգության պայմանագիրը պարտադրում է ԱՄՆ-ին պաշտպանել Ճապոնիային, ինչպես նաև պարտավորեցնում է Ճապոնիային ապահովել ԱՄՆ ռազմաբազաների տեղակայումը»:

Ճապոնիան Թրամփի խոսքերից ճնշվել և վիրավորվել է։