Շինարարության ավտոմեքենաների պատճառով անչափահաս է վրաերթի ենթարկվել. ահազանգ

Այսօր Auroranews են ահազանգել Նաիրի Զարյան 11-13 շենքի բնակիչները: Նրանք իրենց բողոքն են բարձրաձայնում, որ իրենց շենքերի հարեւանությամբ շինարարություն է սկսվել: Նոր շենքի հիմքի համար փոս են փորում, որի պատճառով իրենց շենքերը դառնում են վթարային: Ի դեպ ինչպես նշեցին բնակիչները, այսօր առավոտյան Նաիրի Զարյան 15 շենքի մոտ 14-ամյա անչափահասի վրաերթի դեպքն էլ ուղիղ կապ ունի սույն շինարարության հետ: Պարտադիր պահանջ է, որ շինհարապարակներից մեքենաները դուրս գան լվացված:

«Մեքենաները լվացել են, ջուրը բաց թողել փողոց, որը գիշերը սառել է: Մոտակայքում դպրոց կա, մարդատար մեքենայի արգելակները սառույցի վրա չեն պահել և տեղի է ունեցել միջադեպը: Բնակիչները դիմել են շինարարներին, պահանջել են շինթույլտվությունը, իսկ շինարարները հայտնել են, որ մարդիկ ուզեն թե չուզեն, շենքը կառուցվելու է, և որ իրենց վերադասը քաղաքապետի հետ քավոր սանիկ են»,- ասաց բնակիչներից մեկը: