ՌԴ-ն պատրաստ է անել հնարավորը. ԱՄՆ-ին դա հայտնի է. Պեսկով
Մոսկվան ԱՄՆ-ին անհանգստացնող միջուկային ծրագրի հետ կապված իրավիճակի խաղաղ կարգավորման ներուժ է տեսնում: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
Նրա խոսքով՝ Իրանը Ռուսաստանի դաշնակիցն է:
«Ռուսական դիրքորոշումն այն է, որ այդ խնդիրը՝ Իրանի միջուկային դոսյեն, պետք է լուծել բացառապես խաղաղ, քաղաքական, դիվանագիտական միջոցներով: Մենք կարծում ենք, որ դրա համար ներուժ կա: Քանի որ Իրանը մեր դաշնակիցն է, մեր գործընկերը, այն երկիրը, որի հետ մենք զարգացնում ենք համալիր փոխշահավետ, փոխադարձ հարգալից համագործակցությունը, Ռուսաստանը պատրաստ է դրա համար անել հնարավորը: Միացյալ Նահանգներին այդ մասին հայտնի է»,- ասել է Պեսկովը:
