Ֆրանսիան կմոբիլիզացնի ռեսուրսները Ուկրաինային օգնելու համար
Ֆրանսիան մտադիր է ակտիվացնել օգնությունն Ուկրաինային։ Այս մասին հայտարարել Է Ֆրանսիայի կառավարության պաշտոնական ներկայացուցիչ Սոֆի Պրիման։
«Ֆրանսիան, որպես ինքնուրույն ռազմական տերություն, հանրապետության նախագահի՝ գերագույն գլխավոր հրամանատարի, վարչապետի և զինված ուժերի նախարարի ղեկավարությամբ, պատրաստ է ակտիվացնել Ուկրաինայի աջակցությունը և մոբիլիզացնել ռեսուրսները», - նշել է նա:
Նրա խոսքով՝ Փարիզը մտադիր է երաշխավորել Եվրոպայի ինքնիշխանությունը։
«Դրա համար անհրաժեշտ է ուժեղացնել մեր ներուժը, ապահովել ռազմավարական ինքնավարություն և ավելի շատ ներդրումներ կատարել մեր պաշտպանության համար», - ասել է Պրիման:
Հավելենք, որ Ֆրանսիայի նախագահ Էմանուել Մակրոնը ողջունել է Վոլոդիմիր Զելենսկու պատրաստակամությունը՝ վերսկսելու բանակցությունները ԱՄՆ նախագահ Դոնալդ Թրամփի հետ, ուկրաինական հակամարտության կարգավորման շուրջ:
