Արցախից տեսանյութ հրապարակած հայտնի ռազմական փորձագետին դատում են Ադրբեջանում

Բաքվի Նիսամիի շրջանային դատարանը պետական ​​գաղտնիք հանդիսացող տեղեկություններ հրապարակելու մեջ մեղադրվող և նախորդ տարվա նոյեմբերին կալանավորված հայտնի ռազմական փորձագետ Ադալեթ Վերդիևի քրեական գործով նախապատրաստական ​​խորհրդակցություն է իրականացրել, հաղորդում են ադրբեջանական լրատվամիջոցները։

Տեղեկության համաձայն՝ 2024թ. նոյեմբերի 22-ին Արցախի տարածքներում կազմակերպված մեդիա շրջագայության ժամանակ Ադալեթ Վերդիևը, որը որպես ռազմական փորձագետ մասնակցել է մեդիաշրջագայությանը, տեսանյութ է նկարահանել, որում երևում են բարձունքները, որտեղ գտնվում են Ադրբեջանի մարտական դիրքերը, սահմանապահ զորքերի տեղակայման վայրերը, և իր մեկնաբանությունների ուղեկցությամբ դրանք հրապարակել սոցցանցային հարթակում։

Ադրբեջանի գլխավոր դատախազության տվյալներով՝ նոյեմբերի 22-ին Վերդիևը, որը որպես սպա ծառայել է Ադրբեջանի զինված ուժերում, «լուրջ վնաս է հասցրել պետական ​​անվտանգությունն ու երկրի պաշտպանունակությունն ապահովող շահերին»։