Անհապաղ զինադադար ծովում, եթե Ռուսաստանը համաձայնի. Զելենսկի

Ուկրաինայի առաջնորդ Վլադիմիր Զելենսկին խոսել է Ռուսաստանի և Ուկրաինայի միջև հակամարտության կարգավորման առաջին քայլերի մասին։ Այս մասին քաղաքական գործիչը գրել է X սոցիալական ցանցի իր էջում։

«Հակամարտության կարգավորման շրջանակներում Կիևը պատրաստ է սկսել բանտարկյալների ազատ արձակմամբ և արգելել հրթիռային հարվածները, հեռահար անօդաչու թռչող սարքերը, ինչպես նաև էներգետիկ և այլ քաղաքացիական ենթակառուցվածքների ռմբակոծումը»,- ասել է Զելենսկին։

Նա նաև պատրաստակամություն է հայտնել կնքել «անհապաղ զինադադար ծովում», եթե Ռուսաստանը նույնպես համաձայնի այս պայմաններին։