Ուկրաինան արձագանքել է ԱՄՆ-ի պահանջներին
Ուկրաինան մերժել է 500 մլրդ դոլարի չափով հիմնադրամ ստեղծելու ԱՄՆ-ի պահանջները, որը պետք է դառնա երկրի օգտակար հանածոների մի մասը Վաշինգտոնին հանձնելու գործարքի մաս: Այս մասին գրել է Bloomberg գործակալությունը:
Հիմնադրամը պետք է փոխհատուցի ԱՄՆ-ի կողմից Ուկրաինային տրամադրված օգնությունը։
Ուկրաինական կողմը պնդում է, որ իրական գումարը հինգ անգամ պակաս է և կազմում է ավելի քան 90 մլրդ դոլար։ Բանակցությունների մյուս խոչընդոտը ԱՄՆ-ի երաշխիքների բացակայությունն է ապագա ռազմական և ֆինանսական օգնության հարցում:
Հիշեցնենք՝ ԱՄՆ նախագահ Դոնալդ Թրամփը հայտարարել է, որ փորձում է հետ ստանալ այն միլիարդավոր դոլարները, որոնք ուղարկվել են ՌԴ-ի դեմ Ուկրաինայի պատերազմին աջակցելու համար:
