Թրամփը Ուկրաինայից պահանջել է միլիարդավոր դոլարների վերադարձ
ԱՄՆ նախագահ Դոնալդ Թրամփը հայտարարել է, որ փորձում է հետ ստանալ այն միլիարդավոր դոլարները, որոնք ուղարկվել են ՌԴ-ի դեմ Ուկրաինայի պատերազմին աջակցելու համար:
«Ես ուզում եմ, որ նրանք մեզ ինչ-որ բան տան այդ ամբողջ գումարի համար: Մենք խնդրում ենք հազվագյուտ մետաղներ և նավթ: Ես փորձում եմ վերադարձնել գումարը կամ ապահովել անվտանգությունը,- ասել է Թրամփը:
Ուկրաինայի և Ռուսաստանի հարցերով Թրամփի հատուկ բանագնաց Քիթ Քելլոգը այս շաբաթվա սկզբին այցելել էր Կիև և հանդիպել Ուկրաինայի նախագահ Վլադիմիր Զելենսկու հետ, ապա հայտարարել, որ Ուկրաինայի նախագահը հասկանում է, որ ԱՄՆ-ի հետ համաձայնագրի ստորագրումը «վճռորոշ նշանակություն ունի»:
