«Սպшնել Իլոնին». հարձակում Tesla-ի ցուցասրահի վրա
Ամերիկյան Օրեգոն նահանգի Սալեմ քաղաքում անհայտ անձինք կրակել են Tesla-ի ցուցասրահում և փակցրել Իլոն Մասկի մահը մաղթող գրություն։
Տեղական լրատվամիջոցների հաղորդմամբ՝ հարձակումը տեղի է ունեցել վաղ առավոտյան, անհայտ անձինք կրակ են բացել Tesla-ի ներկայացուցչության վրա: Արդյունքում վնասվել են ապակիներ և մի քանի մեքենաներ։
Հարձակվողները պատուհաններից մեկի վրա կպչուն թուղթ են փակցրել, որի վրա գրված է եղել «Սպանել Իլոնին»:
Նշվում է, որ սա արդեն երկրորդ անգամն է, որ այս ցուցասրահը ենթարկվում է հարձակման։ Հունվարի 25-ին անհայտ անձինք կոտրել են ապակիներն ու այրել փողոցում կայանված Tesla-ներից մեկը։
Տեղի իշխանությունները ավտոսրահի վրա հարձակումը կապում են Մասկի քաղաքական գործունեության և X սոցիալական ցանցում նրա հայտարարությունների հետ։
