Ինչպես է Տորոնտոյի օդանավակայանում ինքնաթիռը վթարի ենթարկվել
Համացանցում կադրեր են հայտնվել, թե ինչպես է Տորոնտոյի Լեսթեր Փիրսոն միջազգային օդանավակայանում վայրէջք կատարելիս Delta Airlines ավիաընկերության ինքնաթիռը վթարի է ենթարկվում:
Ավելի վաղ հայտնել էինք, որ Globe and Mail–ի փոխանցմամբ՝ ավիավթարի պահին օդանավակայանում եղանակային պայմանները վատ են եղել՝ -9 ջերմաստիճան, բուք և քամու ուժգնացում մինչև 18 մ/վրկ։
Միջադեպի պատճառները դեռևս պաշտոնապես պարզված չեն։ Ինքնաթիռում եղել է 80 մարդ՝ 76 ուղեւոր և անձնակազմի 4 անդամ։
AP-ի վկայակոչած վերջին տվյալների համաձայն՝ տուժել է 19 մարդ, որոնցից երկուսը ծայրահեղ ծանր վիճակում ուղղաթիռով տեղափոխվել են մոտակա վնասվածքաբանական կենտրոն։
