BBC–ն փակում է իր գրասենյակը Բաքվում
Բրիտանական BBC հեռարձակող կորպորացիան հայտարարել է Ադրբեջանում իր գրասենյակը փակելու որոշման մասին։
Ինչպես հաղորդում է BBC-ի ադրբեջանական ծառայության կայքը, «երկրում գրասենյակը փակելու հարկադիր որոշումը» կայացվել է Հանրապետության ԱԳՆ-ից բանավոր հրաման ստանալուց հետո։
Ընդգծվում է, որ կորպորացիան Ադրբեջանի կառավարությունից որևէ գրավոր ծանուցում չի ստացել BBC-ի ադրբեջանական ծառայության գործունեությունը դադարեցնելու մասին։
Նաև ասվում է, որ BBC-ն դադարեցրել է իր լրագրողական թիմի աշխատանքը Բաքվում մինչև իրավիճակի պարզաբանումը, սակայն կշարունակի լուրեր տարածել ադրբեջաներեն լեզվով։
BBC-ի ադրբեջանական ծառայությունը երկրում սկսել է գործել 1994 թվականից։
