Փակվել է Թբիլիսիից ՌԴ տանող ճանապարհը

Ձյան առատ տեղումների պատճառով փակվել է Թբիլիսիից Գուդաուրի, ՌԴ սահման տանող ճանապարհը:

Ներկայումս Գուդաուրի-Մլեթա հատվածում բոլոր տեսակի տրանսպորտի համար արգելված է երթևեկությունը։ Սահմանափակումները մտցվել են ձնահոսքի վտանգի պատճառով։ 

Վարորդներին խորհուրդ է տրվում չգնալ դեպի Վերին Լարսի անցակետ մինչև եղանակի բարելավումը:

Նշենք, որ օդերևութաբանների կանխատեսումները հուսադրող չեն: Ձյան տեղումները կարող են տևել մի քանի օր։