Եվրոպան կրկին կհավաքվի Ուկրաինայի հարցի շուրջ
Ֆրանսիայի իշխանությունները երկրորդ հանդիպում են հրավիրում Եվրոպայում և Ուկրաինայում անվտանգության հարցերը քննարկելու համար: Այս մասին հայտնում է Reuters-ը՝ վկայակոչելով դիվանագիտական աղբյուրները։
Գործակալության տվյալներով՝ հանդիպումը կկայանա չորեքշաբթի՝ փետրվարի 19-ին։ Դրան կմասնակցեն երկրներ, որոնք ներկա չեն եղել առաջին նմանատիպ հանդիպմանը։
Հրավիրված երկրների թվում են Չեխիան, Հունաստանը, Ֆինլանդիան, Ռումինիան, Շվեդիան, Բելգիան, Բալթյան երկրները, ինչպես նաև ԵՄ անդամ չհանդիսացող, բայց ՆԱՏՕ-ի անդամ Նորվեգիան և Կանադան։ Համաժողովին տեսահղումով կմասնակցեն որոշ երկրների ներկայացուցիչներ։
