Մենք ունենք աշխարհի ամենահիվանդ բնակչությունը. Քենեդի կրտսեր

Ամերիկացիներն ունեն հիվանդացության ամենաբարձր ցուցանիշը ամբողջ աշխարհում, Fox News-ի եթերում ասել է ԱՄՆ առողջապահության և սոցիալական ծառայությունների նախարար Ռոբերտ Քենեդի կրտսերը։

«Մենք գնում ենք աշխարհի բոլոր դեղերի 70 տոկոսը: Մենք երկու-երեք անգամ ավելի շատ ենք ծախսում առողջապահության վրա, քան մյուս երկրները, բայց ամենավատ ցուցանիշներն ունենք: Մենք ունենք աշխարհի ամենահիվանդ բնակչությունը»,- դժգոհել է նա:

Նախարարը խոստացել է իր ղեկավարած գերատեսչությունների ուշադրությունը կենտրոնացնել առողջ ապրելակերպի քարոզչության վրա։ «Դարձրե՛ք Ամերիկան ​​կրկին առողջ» կոչվող խոշոր արշավի շրջանակներում Քենեդի կրտսերը նախատեսում է վերանայել սննդակարգի ուղեցույցները, անդրադառնալ բարձր վերամշակված մթերքներին և ուսումնասիրել քրոնիկ հիվանդությունների հիմնական պատճառները: