ԱՄՆ պետքարտուղարին Մյունխեն տեղափոխող ինքնաթիռը ստիպված է եղել հետ թռչել
ԱՄՆ պետքարտուղար Մարկո Ռուբիոյի ինքնաթիռը, որը Մյունխեն էր թռչում, օդում տեխնիկական խնդրի է բախվել և ստիպված է եղել հետ թռչել: Այս մասին հայտնում է Reuters գործակալությունը՝ վկայակոչելով ԱՄՆ Պետդեպարտամենտի ներկայացուցչին։
«ԱՄՆ պետքարտուղար Մարկո Ռուբիոյին Վաշինգտոնից Մյունխեն տեղափոխող ինքնաթիռը բախվել է մեխանիկական անսարքության և հետ է թռչել։ Սա նշանակում է, որ Ռուբիոն մեկ այլ ինքնաթիռով կշարունակի իր ճանապարհորդությունը դեպի Գերմանիա և Մերձավոր Արևելք», — ասվում է հաղորդագրության մեջ։
ԱՄՆ պետքարտուղարը փետրվարի 14-ին կմասնակցի Մյունխենի անվտանգության համաժողովին: ԱՄՆ փոխնախագահ Վենսը և Ռուբիոն նախատեսում են հանդիպել Ուկրաինայի նախագահ Վլադիմիր Զելենսկու հետ Մյունխենում մեկնարկող ամենամյա խաղաղության համաժողովի բացումից առաջ:
Պարզ չէ, թե արդյոք Ռուբիոն ժամանակին կժամանի հանդիպմանը:
2024 թվականի ապրիլին Ֆրանսիայում խափանվեց Միացյալ Նահանգների գործող պետքարտուղար Էնթոնի Բլինքենի Boeing 737 ինքնաթիռը։
