Պեսկովը պատասխանել է Զելենսկու փոխանակման առաջարկին
Կրեմլը, արձագանքելով Զելենսկու ասածին, հայտարարել է, որ Ռուսաստանը տարածքներ չի փոխանակի Ուկրաինայի հետ: Այս մասին, ՏԱՍՍ-ի փոխանցմամբ, ճեպազրույցում հայտնել է Կրեմլի խոսնակ Դմիտրի Պեսկովը։
«Դա անհնար է: Ռուսաստանը երբեք չի քննարկել և չի քննարկի իր տարածքի փոխանակման թեման, իհարկե, ուկրաինական ստորաբաժանումները կվտարվեն այս տարածքից (Կուրսից-Խմբ.)», - ասել է Պեսկովը։
Հիշեցնենք` Ուկրաինան կարող է Ռուսաստանին առաջարկել տարածքների փոխանակում, եթե գործը հասնի պատերազմը դադարեցնելու բանակցություններին: Այդ մասին ասել է Ուկրաինայի նախագահ Վլադիմիր Զելենսկին բրիտանական The Guardian հրատարակությանը տված հարցազրույցում։
