Պեսկովն` ԱԺ-ի կողմից ԵՄ-ին անդամակցության օրինագծի ընդունման մասին
Հայաստանի խորհրդարանի որոշումը Եվրամիությանն անդամակցելու վերաբերյալ երկրի ինքնիշխան իրավունքն է: Այս մասին ճեպազրույցի ժամանակ հայտարարել է ՌԴ նախագահի մամուլի քարտուղար Դմիտրի Պեսկովը։
Նա այսպես է մեկնաբանել Հայաստանի խորհրդարանի կողմից ԵՄ-ին անդամակցության մեկնարկի մասին օրինագծի հաստատումը։
«Սա Հայաստանի ինքնիշխան իրավունքն է։ Իհարկե, և՛ հայերն իրենք, և՛ բոլորը պետք է հասկանան, թե որքանով է դա երկուստեք ցանկություն, և ինչպես են իրենք՝ եվրոպացիները վերաբերվում դրան»,- ասել է նա։
Պեսկովը նշել է, որ Հայաստանում կան որոշակի քաղաքական գործիչներ, ովքեր կարծում են, որ ԵՄ-ի վրա կենտրոնանալը լրացուցիչ դիվիդենտներ կտա երկրին և ժողովրդի շահերին։
