ԱՄՆ-ն և Չինաստանը լայնամասշտաբ պատերազմի շեմին են

ԱՄՆ-ն և Չինաստանը լայնամասշտաբ առևտրային պատերազմի շեմին են, հայտնում է Financial Times-ը: Ամեն ինչ պայմանավորված է մաքսատուրքերի գործողության մոտենալու հանգամանքով, որոնք պետք է ուժի մեջ մտնեն։

Վերլուծաբաններն ակնկալում էին, որ ԱՄՆ-ը և Չինաստանը բանակցություններ կվարեն «լուրջ առևտրային հակամարտությունները» կանխելու համար: Ի սկզբանե Թրամփը հույս ուներ զրուցել Սի Ցզինպինի հետ, սակայն Պեկինի կողմից պատասխան մաքսատուրքերի սահմանումից հետո ԱՄՆ նախագահն ասել է, որ «չի շտապում», իսկ սակագները «առաջին համազարկն էին» շատ լուրջ միջոցներ ձեռնարկելուց առաջ: Վաշինգտոնում ՉԺՀ դեսպանատանը նշել են, որ մաքսատուրքերի սահմանումից ի վեր «ոչ մի նոր բան տեղի չի ունեցել»:

«Ինչ լինելու է թող լինի։ Ամեն դեպքում, ծախսերի մեծ մասը կրում են ամերիկացի սպառողները, և չինական շատ ընկերություններ արդեն իրենց գործունեության մի մասը տեղափոխել են արտերկիր: Սակագներն այնքան էլ մահաբեր զենք չեն, ինչպես կարծում Է Վաշինգտոնը», - ասել է միջազգային բիզնեսի եւ տնտեսագիտության համալսարանի պրոֆեսոր Ջոն Գոնգը։

Սակայն տնտեսագետները վստահ են, որ 60 տոկոս մաքսատուրքերի սահմանումը, որոնցով սպառնացել Է Թրամփը, լուրջ վնաս կհասցնի Չինաստանի տնտեսությանը։ Նրանք հաշվարկել են, որ սակագների յուրաքանչյուր բարձրացում 20 տոկոսային կետով կնվազեցնի Չինաստանի ՀՆԱ-յունը 0,7 տոկոսային կետով: