Նա սարսափելի է. Թրամփը՝ արքայազն Հարրիի կնոջ մասին

ԱՄՆ նախագահ Դոնալդ Թրամփը հայտարարել է, որ շահագրգռված չէ Մեծ Բրիտանիայի արքայազն Հարրիին երկրից արտաքսել։ Այս մասին գրում է РИА Новости–ն:

2024 թվականի մարտին Թրամփը GB News-ին ասել է, որ ԱՄՆ նախագահ ընտրվելու դեպքում կարող է երկրից արտաքսել արքայազն Հարրիին, եթե հաստատվի, որ նա անօրինական կերպով երկրում մնալու թույլտվություն է ստացել։ Ըստ GB News-ի՝ ԱՄՆ օրենսդրության համաձայն՝ արքայազն Հարրիի այն խոստովանությունը, թե ինքը թմրանյութ է օգտագործել, կարող է հիմք հանդիսանալ երկրից իր արտաքսման համար։

«Ես չեմ ուզում դա անել... Ես նրան հանգիստ կթողնեմ, նա բավական խնդիրներ ունի կնոջ հետ: Նա սարսափելի է», - ասել է Թրամփը New York Post-ին:

Արքայազն Հար8իի ներգաղթի կարգավիճակը նախկինում դատական ​​գործի առարկա էր դարձել Վաշինգտոնում: 2023 թվականին Heritage Foundation վերլուծական կենտրոնը դատական ​​դիմում էր ներկայացրել արքայազն Հարրիի ներգաղթի փաստաթղթերը ստանալու համար։ Վերլուծաբանները պնդում էին, որ թույլտվությունը տրվել է անօրինական, քանի որ Հարրին հրապարակայնորեն խոստովանել է, որ իր երիտասարդության տարիներին օգտագործել է թմրանյութեր՝ մարիխուանա, կոկաին և նույնիսկ հալյուցինոգեն սունկ:

Սակայն 2024 թվականին ներքին անվտանգության վարչությունը հրաժարվեց ներգաղթի փաստաթղթեր տրամադրել։ Սա դարձավ Դոնալդ Թրամփի կոշտ հայտարարությունների պատճառն այն մասին, որ ԱՄՆ նախագահ Ջո Բայդենի վարչակազմը «պաշտպանում է Հարրիին», և որ եթե Թրամփը ինքը հաղթի նախագահական մրցավազքում, ապա վտարման մասին որոշում կկայացնի։