Դրդել են քանդել ավանդական կապերը Ռուսաստանի հետ. ՌԴ ԱԳՆ

Ռուս-հայկական հարաբերությունները բարդ ժամանակաշրջան են ապրում՝ կապված Արևմուտքի գործողությունների հետ, որը մեծացնում է ճնշումը Երևանի վրա և հրահրում Մոսկվայի հետ կապերի քայքայումը։ Պատասխանելով լրատվամիջոցների հարցրեին՝ այս մասին հայտարարել է ՌԴ ԱԳ նախարար Սերգեյ Լավրովը։

«Ռուս-հայկական հարաբերությունները ծանր ժամանակաշրջան են ապրում, դա մեծապես հետևանք է Արևմուտքի գործողությունների, որոնք անցած տարում մեծացրել են ճնշումը Հայաստանի վրա, դրդել են քանդել ավանդական կապերը Ռուսաստանի հետ և պարտադրել արժեքային ուղենիշներ։ Ցավոք, Հայաստանը դրական արձագանքեց ԱՄՆ-ի և ԵՄ-ի չաջակցվող խոստումներին՝ փոխարինելու Հայաստանին Ռուսաստանին։ ՀԱՊԿ-ը Հայաստանի անվտանգության հիմնաքարը, իսկ ԵԱՏՄ-ին անդամակցությունը նրա տնտեսական բարեկեցության բանալին»,- ասվում է ՌԴ ԱԳ նախարարության հայտարարության մեջ:

ՌԴ դիվանագիտական գերատեսչությունը նշել է նաև, որ Մոսկվան բազմիցս տեղեկացրել է իր հայ ընկերներին, որ ոչ Վաշինգտոնը, ոչ Բրյուսելը իրականում չեն մտածում իրենց գործընկերների ճակատագրի ու շահերի մասին։

«Երևանում չէին կարող ուշադրություն չդարձնել անցած տարեվերջին Վրաստանում տեղի ունեցած իրադարձություններին»,- նշված է ՌԴ ԱԳՆ հայտարարության մեջ: