ԱՄՆ-ում ձերբակալել են հարյուրավոր անօրինական ներգաղթյալների
Միացյալ Նահանգներում ձերբակալել են 538 անօրինական ներգաղթյալի, այդ թվում՝ ահաբեկչության մեջ կասկածվողի, և հարյուրավոր միգրանտների արտաքսել խոշոր հակամիգրացիոն գործողության շրջանակներում: Այս մասին հայտարարել են Սպիտակ տան մամուլի ծառայությունից։
«Թրամփի վարչակազմը ձերբակալել է հանցագործ անօրինական ներգաղթյալների, այդ թվում՝ ահաբեկչության կասկածյալի: Բացի դրանից, ռազմական ինքնաթիռներով արտաքսվել են հարյուրավոր հանցագործ անօրինական ներգաղթյալներ: Ընթացքի մեջ է պատմության մեջ ամենամեծ զանգվածային արտաքսման գործողությունը», – ասվում է հաղորդագրության մեջ։
Նշվում է, որ ձերբակալվածների թվում է վենեսուելական «Tren de Aragua» հանցավոր կազմակերպության չորս անդամ և մի քանի անօրինական ներգաղթյալ, որոնք դատապարտվել են անչափահասների նկատմամբ սեռական հանցագործությունների համար։ Չի նշվում, թե կոնկրետ ուր են արտաքսվել միգրանտները։
