Լարված իրավիճակ Սևան-Երևան մայրուղում. ձկնորսները փակել են ճանապարհը

Ձկնորսները փակել են Սևան-Երևան մայրուղին և պահանջում են իշխանություններից՝ թույլ տալ իրենց հասանելիքի չափով ձուկ որսալ։

Ակցիայի վայրից «Հրապարակ»-ին հայտնել են, որ ցուցարարները պահանջում են «Ազգային պարկից» տալ իրենց հասանելիք օրինական ձուկ որսալու վերաբերյալ թույլտվությունը։ 

Նշենք, որ Սևանա լճում 2024թ. նոյեմբերի 15-ից մինչև այս տարվա հունվարի 20-ն արգելված է ձկնորսությունը՝ պայմանավորված ձվադրմամբ։ Այսօր փաստացի լրացել է սահմանված ժամկետը, սակայն ձկնորսները թույլտվություն դեռևս չեն ստացել։