Թրամփը գործադիր հրաման կտա TikTok–ը վերագործարկելու համար
ԱՄՆ նորընտիր նախագահ Դոնալդ Թրամփը խոստացել է իր երդմնակալության օրը հրամանագիր ստորագրել հայտնի տեսահարթակի արգելքը հետաձգելու մասին։ Այս մասին գրում է Euronewsը:
Դոնալդ Թրամփը հայտարարել է, որ մտադիր է գործադիր հրաման արձակել, որը TikTok-ի չինական մայր ընկերությանն ավելի շատ ժամանակ կտա համապատասխան գնորդ գտնելու համար, քանի դեռ հանրաճանաչ սոցիալական մեդիա հարթակը Միացյալ Նահանգներում չի արգելվել ընդմիշտ:
Որոշման մասին Թրամփը գրել է Truth սոցցանցում կիրակի օրը կատարած գրառման մեջ։ Google-ը և Apple-ը հանել են TikTok հավելվածն իրենց թվային խանութներից՝ համաձայն դաշնային օրենքի, որը պահանջում է դա անել, եթե ընկերությունն իր ամերիկյան մասնաճյուղը չվաճառի հաստատված գնորդին:
