Շնչառական վարակներով և թոքաբորբով հոսպիտալացումների աճ է գրանցվել
Հայաստանի Հանրապետությունում նկատվում է սուր շնչառական վարակների (ՍՇՎ) և թոքաբորբով հոսպիտալացումների, շտապօգնության կանչերի շրջանում աճ։ Տեղեկությունը հայտնում Հիվանդությունների վերահսկման և կանխարգելման ազգային կենտրոնը։
Համաձայն լաբորատոր հետազոտությունների արդյունքների` շարունակվում է գրիպի Ա տեսակի H1pdm09 ենթատեսակի շրջանառությունը:
«Ամանօրյա տոնական օրերին ստեղծվում են նպաստավոր պայմաններ, հատկապես մարդաշատ վայրերում ՍՇՎ–ների, գրիպի տարածման համար, քանի որ վարակը տարածվում է օդակաթիլային ճանապարհով»,- ասված է հաղորդագրության մեջ։
