Թուրքիան կօգնի Սիրիային ահաբեկչության դեմ պայքարում. Ֆիդան
Թուրքիայի արտաքին գործերի նախարար Հաքան Ֆիդանը հայտարարել է ահաբեկչության դեմ պայքարում Սիրիային աջակցելու իր երկրի պատրաստակամության մասին և քրդական զինված ուժերին ցրվելու կոչ արել:
«Այսօրվա հանդիպման ժամանակ մենք հաստատել ենք մեր միասնական դիրքորոշումը ահաբեկչության դեմ պայքարի հարցում։ Եվս մեկ անգամ ուզում եմ ընդգծել, որ Քրդստանի աշխատավորական կուսակցությունը և «Ազգային ինքնապաշտպանության ուժերը» բացարձակապես տեղ չունեն Սիրիայում։ Այս ահաբեկչական կազմակերպությունները գրավում են Սիրիայի ժողովրդի հողերը և գողանում նրա բնական պաշարները»,– ասել է նա:
Թուրքական դիվանագիտության ղեկավարի խոսքով՝ Դամասկոսի նոր իշխանություններին օգնությունը ներառում է նաև համագործակցություն «Իսլամական պետություն» ահաբեկչական կազմակերպության դեմ պայքարում։
«Սիրիայի դեմ նախկինում կիրառված բոլոր պատժամիջոցները պետք է չեղարկվեն՝ ելնելով երկրի վերականգնման շահերից»,– ասել է Ֆիդանը։
