Ինչպես է սննդի կետում թունավորված քաղաքացիների վիճակը

Վանաձորում սննդի կետերից մեկում թունավորում ստացած 10 քաղաքացիներից 5-ը տեղափոխվել են Սպիտակի, 5-ը՝ Տաշիրի քաղաքների բժշկական կենտրոն։

Սպիտակի ԲԿ-ից «Փաստինֆոյին» հայտնել են, որ 5 թունավորումով տեղափոխված անձանց վիճակը գնահատվում է միջին ծանրության:

«Այս պահին դեռ դուրսգրումներ չկան, քաղաքացիները հոսպիտալիզացված են, նրանք շարունակում են ստանալ համապատասխան բուժօգնություն»,- հայտնել են լրատվամիջոցին։

Լրատվամիջոցի տեղեկություններով՝ քաղաքացիները Սպիտակի տարածաշրջանի 2 գյուղերի բնակիչներ են։ Վանաձոր էին գնացել՝ Ամանորյա գնումներ կատարելու համար։ Վանաձորում սննդի կետերից մերում շաուրմա են կերել, որից էլ թունավորում են ստացել։